moon face



 
الرئيسيةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» اكبر لاب في العالم
الأربعاء يونيو 06, 2012 10:57 am من طرف ميني ماوس

» لماذا تبكي المراة بسهولة؟؟ظظ
الأربعاء يونيو 06, 2012 10:55 am من طرف ميني ماوس

» فوائد التفاح للرجيم
الأربعاء يونيو 06, 2012 10:47 am من طرف ميني ماوس

» صور شوكولاته روعة
السبت مايو 05, 2012 5:59 pm من طرف شهودة

» كلمات حزينه ورمنسيه
السبت مايو 05, 2012 5:19 pm من طرف شهودة

» طفلة ترفع الضغط والسكر
السبت أغسطس 27, 2011 5:20 pm من طرف miss roro

» حوار بين زوجين
السبت أغسطس 27, 2011 5:19 pm من طرف miss roro

» الإمـــبـــــراااااطــــوووور ؟؟؟؟؟؟
الأربعاء يونيو 15, 2011 6:15 am من طرف جرح الحبيب

» سوالف الشباب في الباص!!! فاضختكم .. فاضحتكم !!!
الثلاثاء يونيو 14, 2011 4:20 pm من طرف جرح الحبيب

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
pubarab

شاطر | 
 

 بنت تموت وهي قاعدهـ ع ـالمسن ..!!

اذهب الى الأسفل 
كاتب الموضوعرسالة
ALma$ah
المدير العام
المدير العام
avatar

انثى
عدد الرسائل : 584
المزاج : سلام الله على ناس يحب القلب طاريهم
نقاط : 327
تاريخ التسجيل : 16/01/2009

مُساهمةموضوع: بنت تموت وهي قاعدهـ ع ـالمسن ..!!   الأربعاء فبراير 04, 2009 5:48 pm


بنت تموت وهي قاعدهـ ع ـالمسن ..!!



"
"
"

السآعه 4 الفجر ..
يوم الاربعاء جآلسة على النت سهرانه وصوت ضحكي مآلي بيتنا
اللي كل الي فيه نايمين إلا أنا ..

فآتحه المسن اللي أربع وعشرين ساعه عليه ..
فجأه دخلت ساره ..


ساره :
اهليين دنوو شخبارك !!؟



دانه :
هلا والله سوير



ساره :
دانه طفشانه ؟!!



دانه :
لآ عادي .. ليه !؟



ساره :
بسوي لك انفايت مع هذاك اللي قلت لك عنه ..



دانه :
مين ياسر !!؟



ساره :
هههههههههه لآ ياسر خلاص راح الغبي هذا نوآف الخاقوق



دانه :
ههههههه هذاك المملوح الأبيضاني



ساره :
بالظظظظبط



دانه :



أمانه شلون جبتي ايميله !!..


ساره :
مره حطه بالنت لوق حقه ولطشته ..




دانه :
سويت له آآد بالنت لوق ابغاه يصير من فرنديني


عيا يقبل يالله يالله سوي انفايت خل اخليه يقبل ..









ساره :

اوك





**

ساره :
نوآف هذي دنو ..دنو هذا نواف


نواف :
ياهلا والله بدنو


دانه :
هلا بك اكثر


..


مرت الساعه وحنا سواليف وضحك وحش وشوي شي مشفر ....

..



دانه :
يووه اذن مالي خلق اروح المدرسه ..



نواف :
غييبـي ..خل نكمل سوالف مررره انتي كيوت ..



دانه :
وانتي سوير !!؟


ساره :
تصدقين انا نفسي اغيب


دانه :
أجل برب اسكر الباب عشان ما يزعجوني .. وهـ يا حلوك يا نواف انت وسواليفك ..

..

جلسنا تقريباً نسولف لين الساعه 7

..

دانه :
يوـوه خلاص دخت بقوم انام ..نواف نور المسن ..



نواف :
بوجودك قلبو ..




**


دانه..........


انسدحت على السرير وانا دااايخه ..
غمضت عيوني وفكرت بنواف الحلو اضفته اليوم
بدل عمر الفاشل خخخخ سوالفه حلوه ..
اووووه ما صليت الفجر بررد مالي خلق اتوضى ..
صح النائم حتى يستيقظ ..!!
لا قمت ان شالله بصلي

..

السآعه 9 ونص قمت من صوت مسج الجوال
يوووه من وقته هذا يرسل اللحين ..
فتحت الجوال كانت من ساره تقول فيها
" بسرعه ادخلي في هوشه بالمسن "


تحمست بسرعه وفتحت لاب توبي وايميلي
ما امداني دخلت الا ساره دخلتني انفايت
فيه ناس كثار وفهمت من ساره السالفه بمحادثه ثانيه
واستهبلت وانا اتهاوش لييين روقت ..
خلصت الهوشه بعد ضحك طوويل واعتذار احد الشباب مع انه ما غلط ..
فتحت النت لوق حقي لو احط صورة فمي بس محد عارفني !!
فكره والله شبابنا يخقون على طرف عبايه وانا خلقه اهبل خخخ
نزلت صورة فمي وقمت من على الجهاز
وبدلت بجامتي وتوضيت وصليت الفجر الساعه 9 ونص .!!


رجعت للاب توبي وأنا فيني نوم
بس شفت نواف داخل جلست اسولف معه شوي ..

فجأه كل شي بدا يجمد فيني ..!!
الدنيا بدت تظلم كل شي ظلام وش صار ..!!
الاب توب فوقي وكأني نايمه بعمق
ما اسمع الا صوت المحادثه بس ..



ساره :
دانه وينك !!؟



نواف :
وين رحتي دانه ..!!؟

*اشارة تنبيه*



ساره :
شكلها انشغلت المهم كمل السالفه ..


..



كل شي ظلام ابي اتحرك ابي اقوم ..
لا ميته أنا اللحين ..
ياربي رجعني بس بصلي ركعتين ..
ربي رجعني بس بعيد صلاتي زين ..
وصورتي الي تو نزلتها ..!!
ونواف وعمر ومشاري وسعود الي في ايميلي ..!!؟
والفيس بوك !!؟
ياربي رجعني يارب ..




مر الوقت طويل وأنا بس أسمع مصوت المحادثه ..



الباب يطق
انفتح
أسمع الخدامه تاتي تنادي بأسمي
وانا ما ارد جلست تصرخ وتنادي بأمي ..
لا أنا أسمع تعالي يا تاتي تعالي
بس بقول اسف على الصراخ الي تاخذينه مني كل يوم تاتي
بس حلليني ياربي قومني بس تحللني ..



دخلت مي وقرب الصوت لعندي اكثر ..


أمي :
دانه.. دانه حبيبيتي دانه ..لآآآآآآآآآآآآ دآآنه قومي تكفين دآنه ..


..


يا ماما شلون أرد ..
تكفين ماما أبي أقوم ..
ليتي سمعت بنصحتك يوم قلتي لي اتغطى ..
ليتني سمعت منك يوم قلتي لي يكفي اغاني ..



أغاني..!!

أنا مت ..
والأغاني اللي حملتها بالاي بود وتوزعت على كل الناس
والاغاني الي أرسلتها لكل الناس ..
ياربي رجعني اصلي ركعتين يارب ..



شالوا الاب توب مني وغطوني بشرشف الصلاه بعد ما انهارت أمي ..

مر الوقت ببطء
ودخل أخوي معاه أبوي يبكون
شايلني اخوي وابوي وراه يبكي ..



اخوي !!
والسهر أيام الاجازه بالملحق والرقص ..
واستهبالك على البنات الي اعطيك رقمهم ..
يارب رجعني يارب بس اصلي ركعتين ..



ركبت السياره ورا
وانا ملفوفه بعبايتي اللي كلها ألوان وزخرفه
وصلت المستشفى وأنا اسمع صوت نفس اخوي وازعاج ناس حولي ..



رفع الدكتور راسه بعد ما غطاني بشرشف ابيض وقال :

تشخيص الحاله .. موت سكته قلبيه مفاجئه ..


سمعت نوحة ابوي وشهقة اخوي ..





ابوي :

لآآآآآآآآآآ حول ولا قوة الا بالله
لاآآآآ حول ولا قوة الا بالله




اخوي :

يبه قل لا اله الا الله قل لا الله الا الله البكا ما ييفيد شي ..



..



دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..

مر الوقت وكل شي ظلام وهدووووء ..

ياربي رجعني اصلي ركعتين بس يارب ..

شوي سمعت صوت الثلاجه تنفتح ..
طلعوني بعد غطوني بالكامل ..
وركبوني سياره الاسعاف
وأنا اسمع أذان صلاة الظهر ..


..


يارب رجعني بس اصلي الظهر بس اصلي بوقتها يارب ..
ليتني كنت اصلي بوقتها
ليتني لما اسمع الأذان اترك كل شي حولي واقوم اصلي ليت ..


..



دخلت غرفة وانا أسمع صوت حريم
غسلوني بمويه بارده وحطوا
علي بعض الاشياء
وقسمت شعري أربع اقسام
بعد ما غسلته وجدلتهم
بس من قصره ما قدرت تسوي شي
وأنا اسمع الي تغسلني تدعي لي ..

دخلوا ناس علي .. هذا صوت أمي تبكي وتمسكني ..

هذا صوت أختي الي ياما ويااما تهاوشت معها ..

خآلاتي ..

بنت خالتي لينا
أيام الإستهبال على الشباب بالارقام والحش بكل خلق الله ..


هذي لمياء
أيام ما كانت تنصحنا لا علينا المسجل على الأخير ونعاندها نزيد الصوت ..


هذي مرت خالي أحمد
لما كانت تربط على خصري وتعلمني كيف ارقص ..


وهذي وهذا وهذيك وذاك

محد منهم راح ينفعني اللحين يارب رجعني اصلي ركعتين يارب ..

وصلنا المسجد وحطوني قدام المصلين وأنا اسمع الامام يقول :
"الصلآآآآة على الميت يرحمكم الله "


بدوا يصلون علي
واسمع شهقات اخواني واهلي ..


خلصت الصلاه والكل قام يعزي :

"عظم الله اجرك يابو فلان"

"الله يرحمها ويخلف على شبابها بالجنه"



وهمهمات أبوي أخواني من البكي ما ينسمع وش يقولون ..
يارب رجعني لو استغفر بس ..


دخلوني في سيارة الاسعاف
ووصلنا المقبره
وشالوني كثار
واسمع أصوات رجال كثار
والمميز بينهم شهقات أخواني الصغار
اللي كنت اعلمهم يحفظون بعض مقاطع الاغاني ..
يارب رجعني استغفر بس ..


شالوني واسمع دعاء الكل ..

شالني اخوي وحطني في حفره ضيقه ..

تكفى يا اخوي أنا اختك الي ياما وياما استهبلنا اخر الليل
لا تروح تخليني في ذي الحفره ..

فتحو وجهي
وطلع يديني
وحط الحجر والتبن واللبن
ودفنوني والكل يدعي ..


"الله يرحمها بواسع رحمته يارب"

"الله يخلف على شبابها بالجنه"

"الله يرحمها ويصبركم "

"اللهم بدلها بأهل غير أهلها

وأغسلها من الذنوب والخطايا"


هذا صوت خالي أحمد

هذا صوت عمي سلطان
اللي كان يعلمني كيف اشرب الزقاره بالخش والدس
وبعدها ما شربت ..

هذا صوت ولد عمي ثامر
أيام المراهقه كنا سوا ..


هذا صوت وهذا صوت وهذا صوت ..
وش يفيدني اللحين


راحوا وانا اسمع صوت رجولهم لا تروحون وتخلوني لااا ..


وصوري بالنت لوق ؟!
وكل شي سويته ؟!
الأغاني؟
وتأخير الصلاه ليتني ارجع ..

كنت احسب ان دنياي طويله وامني نفسي اني لسا صغيره على الموت ..


والبنات اللي بالمدرسه !!؟
اللي ما بقى احد ما حشيت فيه .. بيسامحوني !!؟
معلماتي اللي كلهم هبلت فيهم ..
وتحسبوا علي بيحللوني !!؟

ذنوبي كلها وش اسوي بها ......!!!!!!!!!!


يارب ارحمني يارب



**

بالعزا



صيآح ونياح وإزعاج
الكل يترحم علي ..

قسم الحريم
وقسم الرجال
كلهم يقربون لي ..




وين صديقاتها ..؟!

وين الناس اللي تكلمهم مسن ..؟!

وين وين وين وين ؟!

كل شي تغير فجأه ..


وين اللي يحبونها !!؟

وين حبيبها العاشق الهيمان !!؟

وين وين وين ؟!



**



بالمدرسه ..

انتشر خبر دانه الفلاني توفت

الكل حزن وخاف ودعوا لها ..
صديقاتها يصحون بجهه ..
وبعضهم قال ببتسامه .."اييه الله يرحمها ويغفر لها على كل ما سوته لنا"



**


نواف ؟!


ساره ؟!

عمر ؟!

مشاري ؟!

سعود؟

الخ .. الخ .. الخ ..


ثلاث أيام بكو أو مجرد حزنوا ..
ورجعوا على حالهم ..




وللحين صديقات دانه يناشدون أهل الخير
كيف يحذفون بروفايلاتها بالنت لوق والفيس بوك ..

وهذي هي الادعيه تنتشر من صديقتها يناشدون الناس يدعون لها ..



**



بس حطوا نفسكم مكان دانه وتخيلوها إنتم بعيد الشر ..!!

محد يبغى يكون نهايتة زي دانه ..!!

طيب ليه نسوي زي الي تسويه دانه بالظبط !!؟

لو يصير لنا نفس الي صار لدانه وش بنسوي ..؟!

وش موقفنا قدام ربنا ..؟!

قبل لا نسوي الشي ليه ما نفكر بالعواقف الدنياويه والاخره ..

صديقات دانه كلها كم شهر وينسونها لانهم من نفس نوع دانه ..



ليه ما بعد ما يموت أي احد لنا ندعي له بالرحمه ..!!؟
ليه قبل ما يموت ننصحه وندعي له بالهدايه ..؟!!


تأثرتو شوي ?!!!




..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tolen.yoo7.com
amoory gamar14
المشرف العام
المشرف العام
avatar

ذكر
عدد الرسائل : 689
العمر : 31
الموقع : في بيت امي ....
المزاج : حالة حب
نقاط : 637
تاريخ التسجيل : 24/01/2009

مُساهمةموضوع: رد: بنت تموت وهي قاعدهـ ع ـالمسن ..!!   الثلاثاء فبراير 10, 2009 7:56 pm

يسلموووووووووووو ماسة على الموضوع المؤثر.....
بصراحه موعظة مؤثرة ومشكورة وممنونه على الوعظ الحلو......(فذكر فان الذكرى تنفع المؤمنين)
وتقبلي تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ALma$ah
المدير العام
المدير العام
avatar

انثى
عدد الرسائل : 584
المزاج : سلام الله على ناس يحب القلب طاريهم
نقاط : 327
تاريخ التسجيل : 16/01/2009

مُساهمةموضوع: رد: بنت تموت وهي قاعدهـ ع ـالمسن ..!!   الأربعاء فبراير 11, 2009 8:34 am



ربي يسلمك خيووو
وربي يهدينا ويهدي بنات وشباب المسلمين



.

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tolen.yoo7.com
memo
مشرف قسم التسلية والفرفشة
مشرف قسم التسلية والفرفشة
avatar

ذكر
عدد الرسائل : 327
العمر : 32
المزاج : تعبان ونفسي انام
نقاط : 321
تاريخ التسجيل : 16/01/2009

مُساهمةموضوع: رد: بنت تموت وهي قاعدهـ ع ـالمسن ..!!   الجمعة مايو 01, 2009 7:22 am

الله يحسن خاتمتنا يا رب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بنت تموت وهي قاعدهـ ع ـالمسن ..!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
moon face :: الأدب والشعر والقصص والروايات ..~ :: القصص والروايات (الواقعية والخيالية)-
انتقل الى: