الفرق بين سواقة الحريم و الرجال‎

هناك عدت فروق مابين سواقت الحريم والرجال فيما لو ان الحريم ساقوا عندنا
وقلت خلني اسوي مقارنه مابينهم وصراحه طلعت بنتايج حلوه :

-في المشاوير :
الرجال الى: الدوام + البيت + البقاله + استراحة الشباب .
مشاوير الحريم: الكوفيره + المشغل + السوق + عزاء + عرس + حرمه والد.

- الاغراض المتواجده دائما في السياره :
في سيارة الشباب : شماغ على كرسي + عقال + مناديل معفنه+ قطف دخان ..
سياره الحريم :نقاب + طرحه + مناديل كلها روج + علك نستكه +كعب مكسور+ مجلة سيدتي.

- في تكاية الكرسي :
سيارة الشباب: اشرطة + بكت دخان + ولاعه + نشره+ مسواك + ورقة بلوت .
سيارة الحريم : روج+ كحل + حلاوه نعناع + مثبت شعر+ + مشط مليانه شعر + شباصات.

شنطة السياره :
سيارة الشباب: اوراق وكتب الجامعه + علبة فيري منكبه + معسله + ثياب من اخر طلعت بر .
سيارة الحريم: قاروره مقري فيها + مزيل عرق + فازلين + مرطب+ حبل غسيل +

السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه معاضد يوو تقولين كانها زوجها يغرف فلوس من بير؟

- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه موية لقاح!!

- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .

- اثناء السياقه :
الشباب : مّبعد الكرسي لين اخره كانه منسدح وهو يسوق .
الحريم : ملزقة مقربة الكرسي لين اخره كانها سواق لموزين.

اثناء الانتظار عند اشارة المرور:
الشباب : يلعب بخشمه ويحك حالة حال اول مايقوم من النوم.
البنات : تصلح شعرها.

- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه.
الحريم : متشعبطه في الدركسون بشكل كانه طوق نجات.

- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنات : تعلق عالبوري , وتقول: سارا حبيبتي وش اخبارك

- اثناء كتابه المخالفه :
الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها .
البنات : بلييز الله يخليك لأهلك لا تعطيني مخالفه بليز بليز,, وهي تناقز .

- اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره

- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟, وين العجره بس؟
الحريم : ياحكييييييييييير يا حكييييير ماتشوف زين , رح ياجعل ريح تنشبك في لمبه انشالله.

- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يلعن ام حياة الشقا وين اروح انا الحين ,روحي دربك خضر ؟

- اثناء السياقه واحد البزران يصيح :
الشباب : كل تبن ويالله انطم لا اوقف وامسطك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه ؟

منقول

ههههههههههههههه هذا الواقع يعطيك العافية وللافضل

هههههههههههههههههههههههههههههههههههههههه
حللللللللللللللوه حلوه حلوه هيه لاتسوقين سياره ترى مو طيب ههههههه
يسلموووووووووو على الموضوع الناااااااااااااااايس

ههههههههههههههههههههههههههه
حلوة المهم لا تسوقي انتي وريحي دماغك

» ركب الحريم لما يقعدوا مع بعض
» انواع الرجال؟؟؟
» الفرق بين المدير الرجل والمديرة المرأة
» الفرق بين الفلم الامريكي والمصري والمكسيكي
» المرأة تضعف امام 6من انواع الرجال ......تعرفو عليها